Ош мамлекеттик университетинин кадрлар бөлүмү университеттин структуралык түзүмүнө кирет. Акыркы 20 жылда Т.Масаев, А.Исаев, А.Пирматова, А.Бурканалиева, К.Жороев жетектеген. 2010-жылдан баштап п.и.к., доцент Гүлсара Турдубаева жетектеп келүүдө.

Кадрлар бөлүмү ректор тарабынан бекитилген иш пландары жана университеттин өнүгүү концепциясынын негизинде ишмердүүлүгүн алып барат.

Иш пландын негизинде кызматкерлер жана студенттер боюнча иш кагаздарды жүргүзүүнүн эрежелери, тартиби көзөмөлдөнөт.

Кадрлар бөлүмүнүн кызматкерлерин ишке алууда жогорку билимдүүлүгү, компьютердеги (MS Word, MS Excel,ж.б.) маалыматтык сурап билүү системасында ( AVN жана 1C: Ишкана) иштей ала тургандыгы ж.б. жаранга тийиштүү талаптарга басым жасалат.

Кызматкерлер өзүнүн ишмердүүлүгүн Кыргыз Республикасынын мыйзамдарына, КРнын эмгек кодекси, КРнын Билим берүү жана илим министрлигинин нормативдик документтери, университеттин уставы, университетте учурда иштеген локалдык, нормативдик ЖОБО актыларына жана ректордун буйруктарына таянуунун негизинде алып барат.

Ар бир кызматкердин жана студенттин өздүк делолору түзүлүп, келишимдер кызматкерлердин милдеттери ж.б. тийиштүү иш кагаздар тиркелгендиги белгиленет.

Кадрлар бөлүмүнүн кызматкерлери арыздар, билдирүүлөрдүн резолюциясына ылайык тиешелүү мыйзам, эрежелердин чегинде түзүлгөн траэкториянын негизинде электрондук буйруктардынаткарылышына, эмгек китепчелердин толтурулушуна жана өздүк делолордун сакталышына, жаңыланышына жооп берет.

Жумуштан бошогон кызматкерлердин жана окуудан чыгарылган студенттердин өздүк делолору боюнча архив бөлүмү менен иш алып барышат.

Кадрлар бөлүмү иш кагаздарын эффективдүү иш алып баруу жана убакытты интенсивдештирүү максатында жаңы информациялык технология методдорун колдонуп, 2019-2020-окуу жылдан баштап санарип технологиясына өтүп, AiDoc программасында ишмердүүлүгүн алып барууда.

AiDoc программасы окуу жайда документтерди бирдиктүү сактоо, маалыматтык коопсуздук саясатын камсыздоо, аналитикалык маалыматтарды берүүнү шарттаган электрондук документ жүргүзүүчү программа болуп калды.

2020-жылдын 9-мартынан баштап, кадрлар башкармалыгы өкмөттүн токтомуна ылайык штаттык өзгөрүүлөрдүн негизинде кадрлар бөлүмү (студенттерди тейлөө менен) деген аталышта өзгөртүү киргизилген.